Апробацияға 40 резидент - Қазақстан Республикасының барлық медициналық ғылыми ұйымдары мен ЖОО өкілдері қатысты.

Республикалық оқу-әдістемелік кеңестің, оқу-әдістемелік бірлестігінің мүшелері сынақтан өтуге үміткерлердің тізімін қалыптастыруға қатысты.

Апробациядан кейін тест тапсырмалары бойынша анонимді сауалнама жүргізілді. Осы сауалнама барысында резиденттер сұрақтардың сапасы, олардың мемлекеттік тілге аударылуы және оқу жоспарының сақталуы туралы өз пікірін білдіруге мүмкіндік алды.

Барлық сауалнамалар ҰТЕО жұмысын одан әрі жетілдіру үшін талданады және пайдаланылады.

Анықтама үшін:

Апробация - оқытушылардың білімін ресми бағалауға арналған байқау тестілеуі. Ол тест сұрақтарын жетілдіруге, қателерді жоюға, тесттің оның мақсаттары мен міндеттеріне сәйкестігін анықтауға және білімді бағалау процесін қамтамасыз ететін компьютерлік бағдарламаның жұмысын тексеруге арналған. Апробация тәуелсіз сараптама алдында қажетті қадам болып табылады.

Ұлттық тәуелсіз емтихан орталығының құрылуы мен дамуы халықаралық озық тәжірибеге сәйкес және АҚШ-тың Медициналық сарапшылардың ұлттық кеңесі ұсынған халықаралық консультанттармен тығыз ынтымақтастықта жүргізілді.  Қазақстан Республикасы Денсаулық сақтау министрлігінің Денсаулық сақтауды  дамыту республикалық орталығының бас директоры Айнұр Айыпханова «Хабар» телеарнасынан осы және басқа да көптеген нәрселер туралы әңгімеледі. Толық сұхбатқа сілтеме. Толық видео

Мейірбике ісі жөніндегі 1-ші Халықаралық Конференция Қазақстан мен АҚШ арасындағы мейірбике ісін дамытудағы халықаралық ынтымақтастықты нығайтты. ҰТЕО мен АҚШ-тың  Медбикелер Мемлекеттік Кеңесінің Ұлттық Комитеті (NCSBN) ынтымақтастық және өзара әрекеттесу туралы меморандумға қол қойды. Меморандумның мақсаты - халықаралық ынтымақтастық климатын жақсарту, ғылым мен медицина дамуындағы кедергілерді анықтау және жою, денсаулық сақтау секторындағы қорлар мен қауымдастықтармен жұмыс жасау сияқты салаларда ұзақ мерзімді ынтымақтастыққа негізі қалау болып табылады. Келісімдер медбикелердің білімдері мен дағдыларын бағалау арқылы денсаулық сақтау жүйесін жақсартады. Осы ресми ынтымақтастық туралы меморандумға қол қоюдың ерекшелігі ұлттық колорит болғанын айта кету керек. Екі жақ қазақтың киіз үйінде келісімге қол қойды.

NCSBN және ҰТЕО 2017 жылы американдық әріптестерінің шақыруымен Чикагодағы NCSBN орталығында орта медицина қызметкерлерін лицензиялау және аттестациялаудың халықаралық тәжірибесін зерттеген кезде өздерінің ынтымақтастығын бастады. ҰТЕО өкілдері емтихан материалдарын әзірлеу тәжірибесімен, психометриялық талдауды пайдалана отырып, нәтижелерді есептеумен, сондай-ақ медициналық реттеу және лицензиялаудағы ақпараттық технологиялармен танысты. ҰТЕО биыл NCSBN-ге мүшелікке өтініш білдіргенін атап өту керек.

Естеріңізге сала кетейік, ҰТЕО 22-23 маусымда Астанада өткен «Мейірбике ісі» атты Бірінші халықаралық конференцияны ұйымдастырушылардың бірі болды. Конференцияға АҚШ, Канада, Финляндия, Беларусь, Қырғызстан сарапшылары,  ДДСҰ және ЮНИСЕФ өкілдері, медицина қызметкерлері, медбикелер, республиканың медициналық ұйымдарының бас дәрігерлері, облыстық денсаулық сақтау департаменттерінің өкілдері, жетекші медициналық ЖОО мен колледждердің оқытушылары қатысады.

Ұлттық тәуелсіз емтихан орталығы 22-23-маусымда Астана қаласында өтетін Мейірбике ісі жөніндегі бірінші халықаралық конференцияның ұйымдастырушыларының бірі болды. Бұл шара мейірбике ісінің тиімділігін арттырады. Спикер ретінде АҚШ, Канада, Финляндия, Беларусь, Қырғызстан сарапшылары болады. Конференцияға медицина қызметкерлері, республиканың медициналық ұйымдарының бас дәрігерлері, ДДСҰ және ЮНИСЕФ өкілдері, облыстық денсаулық сақтау департаменттері, сондай-ақ жетекші медициналық ЖОО мен колледждердің оқытушылары қатысады. Олар медбике ісін басқарудың жаңа тәсілдерін, медбикелердің білімдері мен дағдыларын бағалау мәселелерін, сондай-ақ медбикелердің медициналық қызмет көрсетудің сапасы мен қауіпсіздігі, мейірбике тәрбиесі және зерттеу саласындағы рөлін талқылайды. Халықаралық конференция кәсіби диалогтың тиімді алаңы болады. ДСДРО және ҰТЕО барлық мүдделі тұлғаларды конференцияға қатысуға шақырады. Бағдарламамен Қазақстан Республикасы Денсаулық сақтау министрлігінің Денсаулық сақтауды дамыту республикалық орталығының сайтында танысуға болады. http://www.rcrz.kz/index.php/ru/conf0618-4

12 мамыр халықаралық күнтізбеде мейірбике күні деп белгіленген. Қазіргі кезде мейірбикелер денсаулық сақтау қызметкерлерінің ең үлкен санатын құрайды. Медициналық тәжірибеде медицина қызметтерінің үлкен бөлігі медбикелермен жүзеге асырылады. Қазақстанда ҚР Денсаулық сақтау министрлігі  ДСДРО деректері бойынша 170 мыңнан астам орта медицина қызметкерлері жұмыс істейді.

Денсаулық сақтау саласының қызметкерлері өзін-өзі бағалау рәсіміне белсенді қатысуда.

Ұлттық тәуелсіз емтихан орталығы Қазақстанның барлық өңірлерінде тәжірибелі дәрігерлер мен орта медицина қызметкерлерінің өзіндік бағалауын жүргізеді. ҰТЕО денсаулық сақтау мамандарының білім мен дағдыларын бағалау ережелерін әзірледі, олармен үміткерлер www.gazexzam.kz сайтында ҒҚА бөлімінде таныса алады. Сондай-ақ ресми интернет-ресурста барлық медициналық мамандықтардың тест тапсырмалары мен клиникалық станциялардың алгоритмдері бар. Бұл емтихан қазақ және орыс тілдерінде жүргізіледі. Өзіндік бағалаудың оң нәтижесі сертификат алу және біліктілік санатын беру үшін негіз болып табылмайды. Өтініш берушілер мұндай сынақты байқау сынағы ретінде қарастырады. Бірақ өзіндік бағалаудың шарттары мен талаптары нақты  бағалаудағымен бірдей.

Байқау біліктілік емтиханы екі кезеңде өтеді: теориялық білім - компьютерде тестілеу арқылы, практикалық дағдылар - симуляциялық жабдық негізінде тексеріледі.

Сонымен қатар, байқау біліктілік емтиханын тапсыру кезінде өтініш беруші қиындық тудыратын кезеңді таңдай алады. Клиникалық станциялардың саны мен атаулары сондай-ақ өтініш берушінің таңдауы бойынша анықталатынын айтып кеткен жөн.

Бұдан басқа, өзіндік бағалау (байқау тестілеу) клиникалық практикаға қабылдау үшін сертификаттау шеңберінде жүзеге асырылады.

Интерндер өзіндік бағалау тестілеуінен медициналық жоғары оқу орындарының базасында ҰТЕО мамандарының бақылауымен өтуі мүмкін.

2018 жылдың екінші тоқсанында практикалық дағдыларды бағалаудың онлайн режимі Алматы облысында енгізіледі.

 

Оn-line бағалаудың сынамалы жобасы Ұлттық тәуелсіз емтихан орталығымен Астана қаласында 2018 жылдың бірінші тоқсанында енгізілгенін еске сала кетейік. Қазір осы жобаны жүзеге асыру географиясы кеңейіп келеді.

Нақты уақытта емтихан алушылар клиникалық станциялардағы үміткерлердің практикалық дағдыларын басқа бөлмеден байқап бағалайды. Бұл - мониторлар орнатылған арнайы жабдықталған бөлме. Бейне және дыбыстық жабдықтар өтініш берушілердің жауаптарын ыңғайлы бекіту үшін бейімделген. Бұл жұмыс формасы тиімдірек, себебі «бақылаушы әсері» азаяды және үміткерлер клиникалық жағдайды орындауға көңіл бөледі.

 

Бүгінде елде 1-ші маусымда аяқталатын денсаулық сақтау саласы мамандарының біліктілік санаттарын иелену емтихандары басталғанын айта кету керек. Қолданыстағы рәсімдерге сәйкес, емтихандар аяқталған соң, нәтижелер www.qazexam.kz сайтында жарияланады.

 

Бағалау нәтижесі шығарылған күннен бастап бір жыл ішінде Қазақстан Республикасының аумағында қолданылады.

 

Бұдан әрі, үміткерлер бағалау нәтижелерін Қазақстан Республикасы Денсаулық сақтау министрлігінің Қоғамдық денсаулық сақтау комитетінің аумақтық департаменттеріне біліктілік санатын беру туралы куәлік алу үшін ұсынады.