Денсаулық сақтау саласындағы менеджерлердің басқару қызметіне дайындығын растау процедурасы екі кезеңде жүргізіледі:

1 кезең – үздіксіз кәсіби даму іс-шараларын растау;

2 кезең – білімді бағалау және ситуациялық тапсырмаларды шешу (кейс-тест).

Процедурадан  сәтті өткен кезде менеджерлерге «Денсаулық сақтау саласындағы менеджердің басқару қызметіне дайындығын растау туралы қорытынды»  беріледі, ол берілген күннен бастап күнтізбелік бір жыл ішінде Қазақстан Республикасының бүкіл аумағында қолданылады.

1-кезең «Үздіксіз кәсіби даму іс-шараларын растау» ұсынылған үздіксіз кәсіби даму (бұдан әрі – ҮКД) құжаттарына сараптама нәтижелері бойынша жүргізіледі. «Денсаулық сақтау саласындағы менеджерді сертификаттауды жүргізу, денсаулық сақтау саласындағы менеджер сертификатының қолданысын растау қағидаларын бекіту туралы» Қазақстан Республикасы Денсаулық сақтау министрінің 2020 жылғы 11 желтоқсандағы № ҚР ДСМ-254/2020 бұйрығына өзгеріс енгізу туралы» Қазақстан Республикасы Денсаулық сақтау министрінің 2021 жылғы 26 шілдедегі № ҚР ДСМ-64 бұйрығының 1-қосымшасының критерийлеріне сәйкес бағалау парағында ҮКД әрбір іс-шарасы бойынша баллдар есептеле отырып Денсаулық сақтау саласындағы менеджер сертификатының қолданылуын растау.

Мұнда бірінші кезеңнен өту жөнінде білуге болады.

Процедураның 2-кезеңі: 

2.1 Білімді бағалау – бір дұрыс жауабы бар бірнеше таңдаулы тест сұрақтары арқылы компьютерлік тестілеу.

Тест сұрақтарының жалпы саны – 100.

Білімді бағалау ұзақтығы 100 минут (1 сағат 40 минут) үзіліссіз.

Нәтижелерді есептеу: тест сұрағына әрбір дұрыс жауап үшін 1 балл, қате жауап 0 балл беріледі.

Білімді бағалау нәтижесі барлық дұрыс жауаптар үшін ұпайларды қосу арқылы автоматты түрде қалыптасады және компьютерлік тестілеу аяқталғаннан кейін бірден көрсетіледі.

Білімді бағалаудың шекті деңгейі – тест сұрақтарының жалпы санынан 70 балл және одан көп дұрыс жауаптар.

Тест сұрақтарына апелляция бағалау кезінде беріледі.

Ескерту:

Білімді бағалаудың шекті деңгейін еңсермеген менеджерге ситуациялық тапсырмаларды (кейс-тестинг) орындауға жол берілмейді.

Шекті деңгейден төмен нәтижесі бар менеджерлер үшін білімді қайта бағалауға жіберу алдыңғы бағалау күнінен бастап үш жұмыс күні  өткеннен кейін  жүзеге асырылады.

Тестілеуден қайта өту кезінде білімді бағалаудың шекті деңгейін еңсермеген менеджерлер кемінде 2 кредит көлемінде біліктілікті арттыру курстарынан қосымша өткеннен кейін білімді бағалаудан өтуге жіберіледі.

2.2 ситуациялық тапсырмаларды орындау (кейс – тестинг) – ситуациялық тапсырмаларды орындау арқылы компьютерлік модельдеу.

Ситуациялық тапсырмалардың (кейстердің) жалпы саны – 5.

Әр тапсырма бірнеше дәйекті тапсырмалардан тұрады.

Бір ситуациялық тапсырманы орындау ұзақтығы – 10 минут. Ситуациялық тапсырманы орындаудың жалпы уақыты (кейс-тестинг) 50 минутты құрайды.

Нәтижелерді есептеу: ситуациялық тапсырманың бір тапсырмасына әрбір дұрыс жауап үшін 1 балл, дұрыс емес жауап үшін – 0 балл беріледі. Ситуациялық тапсырмаларды орындаудың нәтижесі ситуациялық есептердің барлық тапсырмалары үшін ұпайларды қосу арқылы қалыптасады.

Ситуациялық тапсырмаларды орындаудың шекті деңгейі (кейс-тестинг) ситуациялық тапсырмалардың жалпы санынан дұрыс орындалған тапсырмалардың 70% құрайды.

Ситуациялық тапсырманы (кейс-тестинг) орындаудың   нәтижесі ситуациялық есептердің барлық тапсырмалары үшін балдарды жинақтау жолымен автоматты түрде қалыптастырылады.

Ситуациялық тапсырманы орындаудың апелляция бағалау кезінде жүзеге асырылады.

Ескерту:

Ситуациялық тапсырмаларды орындаудың (кейс-тестинг) шекті деңгейін еңсермеген менеджер алдыңғы кейс-тестинг күнінен бастап үш жұмыс күні өткеннен кейін  қайта тапсыруға жіберіледі.

Қайта өту кезінде кейс-тестингтің шекті деңгейін еңсермеген менеджер кемінде 2 кредит көлемінде біліктілікті арттыру курстарынан қосымша өткеннен кейін ситуациялық тапсырмаларды орындауға жіберіледі.

Тіркелу және бағалауға өтінімді беру мына: www.exam.ncie.kz мекенжайда орналасқан үміткердің Қазақстан Республикасының аумағында кәсіби қызмет еткен барлық уақытта сақталатын жеке кабинетінде ҰТЕО ақпараттық платформасында жүргізіледі. 

Жеке кабинет (есептік жазба) ашу арқылы тіркелу үшін:

1. сұралған ақпаратты толтырыңыз;
2. есептік жазбаны іске қосу үшін жарамды электрондық пошта мекенжайы болуы керек);
3. компьютерде/ноутбукта веб-камераны немесе смартфондағы Алдыңғы камераны және жеке куәлікті пайдаланып бастапқы сәйкестендіруден өтіңіз. 

Өтінім жеке кабинетте «Менің өтінімдерім» бөлімінде бағалау түрін таңдау және қажетті құжаттаманы (сілтеме) pdf, jpeg форматында бекіту арқылы беріледі.

Тіркеу рәсімі аяқталғаннан кейін маманға 5 жұмыс күні ішінде электрондық поштаға мекенжайы, күні және уақыты көрсетіле отырып, кәсіптік даярлықты бағалаудан өту туралы хабарлама жіберіледі.

Ескерту: 

Мұнда тіркелу және бағалауға өтінім беру жөніндегі нұсқаулықпен және бейнероликтермен танысуға болады.

Кәсіби даярлықты бағалау кезінде пайдаланылатын емтихан материалдары (тест сұрақтары мен ситуациялық тапсырмалар (кейстер)  «Ұлттық тәуелсіз емтихан орталығы» РҚБ зияткерлік меншігі   және Қазақстан Республикасының Авторлық құқықтарымен қорғалған. 

ҰТЕО жоғары халықаралық стандарттарға сүйене отырып, емтихан материалдары мен емтихандарымыздың қауіпсіздігін қамтамасыз ету үшін бар күшін салады. Осының аясында біз қолданыстағы емтихан материалын жарияламаймыз және авторлық құқықты сақтау саясатын қатаң сақтаймыз. Авторлық құқықты бұзғаны үшін (емтихан материалын кез келген тәсілмен, оның ішінде фото, бейне жазу, сондай-ақ бөгде қосымшаларды пайдалану арқылы көшіру, тарату) Қазақстан Республикасының заңдарына сәйкес жауапкершілік туындайды. 

Мұнда өткен жылғы тест сұрақтарымен және аналогтармен танысуға болады

Өзін-өзі даярлау және емтихан материалының форматымен танысу, сондай-ақ өз білімі мен дағдыларының деңгейін анықтау үшін ерікті негізде өзін-өзі бағалаудан (сынақ емтиханынан) өтуге болады.

Ескерту:

ҰТЕО  жалғыз ресми веб-сайты бар www.qazexam.kz және ҰТЕО-ға қатысы жоқ басқа веб-сайттарда орналастырылған тест сұрақтары үшін жауапты болмайды.

ҰЭО Денсаулық сақтау мамандарының бағалауынан өтуге көмектесуге уәде берген алаяқтардың әрекеттерін еске салады, олар ҰЭО қызметкерлері ретінде тестілеуден немесе дағдыларды бағалаудан өту кезінде көмек көрсетуге уәде бере отырып, бағалауға үміткерлердің ақшалай қаражатын алаяқтық жолмен игереді.

Сізден қырағы болуды және алаяқтардың арандатуына берілмеуіңізді сұраймыз.