Жаңалықтар

Білім мен дағдыларды бағалаудың жалпы ұзақтығы – 210 минут.
Тест тапсырмаларының жалпы саны – 160.
Бірінші блок:
* ұзақтығы – 180 минут
* сұрақтар саны – 150
* өту шегі – 75 балл (50%).
Екінші блок:
* ұзақтығы – 30 минут
* сұрақтар саны – 10
* өту шегі – 5 балл (50%).

Бірінші блок аяқталғаннан кейін екінші блокқа қолжетімділік бірінші блок нәтижесіне қарамастан автоматты түрде ашылады.

Егер блоктардың бірінен шекті балл алынбаса, қайта тапсыру тек тапсырылмаған блок бойынша жүргізіледі.

📌 Емтиханды қайта тапсыру

Екі рет қайта тапсыру қарастырылған:
* бірінші қайта тапсыру – негізгі емтиханнан кейін 2 аптадан соң
* екінші қайта тапсыру – 2026 жылғы 25 тамызға дейін.

Негізгі тестілеу кезеңі аяқталғаннан кейін білім алушылардың тізімдері қосымша қалыптастырылып, қайта тапсыру күндері бекітіледі.

📌 Апелляция беру тәртібі

Білім алушы техникалық себептерге байланысты тест тапсырмалары бойынша апелляцияны тестілеу барысында тікелей бере алады.

Өзіңізбен бірге болуы қажет:
* жеке куәлік
* су (қажет болған жағдайда).

🚫 Емтихан кезінде пайдалануға тыйым салынады:
* ұялы телефондар
* смарт-сағаттар
* құлаққаптар және басқа да электрондық құрылғылар.

Академиялық адалдық қағидаттарын сақтау мақсатында емтиханға тыйым салынған заттарды алып келмеулеріңізді сұраймыз.

Ұлттық тәуелсіз емтихан орталығы Түркістан қаласында өткен мейіргерлік қызмет мамандарының IV съезінде құзыреттілікті бағалау ұлттық жүйесі саласындағы тәжірибесімен бөлісті. Бұл съезд мейіргерлік қызметті дамытуға бағытталған сарапшылар қауымдастығын біріктірді.
Ғаламдық өзгерістер, созылмалы аурулардың өсуі және медицинаның цифрлануы жағдайында мейіргерлердің рөлі шешуші мәнге ие болуда. Съезд аясында практикалық дағдылар мен клиникалық ойлауды бағалаудың өзекті тәсілдері, халықаралық стандарттарды ұлттық тәжірибеге енгізу және кадрларды даярлау мен сертификаттауды жақсарту шаралары талқыланды.
ҰТЕО өкілі «Мейіргерлердің құзыреттілігін бағалаудың ұлттық жүйесі: тәжірибе, қиындықтар және мүмкіншілктері» тақырыбында пленарлық отырыста баяндама жасады; онда тәуелсіз бағалау нәтижелері, сертификаттаудың негізгі қиындықтары және мейіргерлік кадрларды даярлауды жетілдіру бойынша ұсыныстар ұсынылды.
Ұйымдастырушылар мен әріптестерге жемісті диалог пен тәжірибе алмасу үшін алғыс айтамыз. Бірге пациенттерге сапалы, қауіпсіз және заманауи көмек көрсету жүйесін қалыптастырамыз.

2026 жылғы 12 мамырда «Ұлттық тәуелсіз емтихан орталығы» Астанада өткен Халықаралық мейіргерлер күніне арналған «Қазіргі заманғы денсаулық сақтау бағыттары: өкілеттіктерді табыстау, сапа, қауіпсіздік» атты Республикалық ғылыми‑тәжірибелік конференцияға қатысты.
Іс‑шара аясында «Әртүрлі деңгейдегі мейіргерлердің құзіреттілік профилі: тәуелсіз бағалау нәтижелері» тақырыбында баяндама ұсынылды.
Баяндамада мейіргерісі мамандарының компетенцияларын тәуелсіз бағалау нәтижелері таныстырылып, Қазақстанның қазіргі денсаулық сақтау жүйесіндегі кәсіби рөлдердің дамуы мәселелері талқыланды. Конференция мейіргерлік практика, медициналық көмек сапасы мен қауіпсіздігін дамытуға қатысты өзекті мәселелерді талқылау үшін еліміздің жетекші сарапшыларын, медициналық ұйымдар мен білім беру мекемелерінің өкілдерін біріктірді.
Кәсіби диалог пен тәжірибе алмасудың одан әрі дамуы мейіргерлік істі жетілдіруге және елдегі медициналық көмектің сапасын арттыруға ықпал етеді деп күтілуде.

Меморандум оқыту сапары аясында қабылданып, денсаулық сақтау саласындағы мамандардың білімін және құзыреттерін бағалау бойынша кәсіби диалог пен тәжірибе алмасудың қорытындысы болды.

Екі ұйымның басшылары ынтымақтастықтың негізгі мақсаты — пациент қауіпсіздігінің басты факторларының бірі ретінде медициналық қызметкерлердің білімдері мен дағдыларын бағалау сапасын арттыру екенін атап өтті. Объективті, валидті және ашық емтихандық тетіктер медициналық қызмет көрсету сапасына және қоғамның денсаулық сақтау жүйесіне деген сеніміне тікелей әсер етеді.

NCSBN-мен ынтымақтастық ҰТЕО үшін тестология және емтихан өткізу сапасын бақылау саласындағы озық халықаралық тәжірибелерге қол жеткізуге жол ашады, бұл медициналық мамандардың құзыреттерін бағалаудың ұлттық тәсілдерін жетілдіруге мүмкіндік береді.

Чикаго сапалы, қауіпсіз және кәсіби жауапкершілікке негізделген денсаулық сақтау саласындағы ұзақ мерзімді серіктестіктің негізі қаланған алаңға айналды.

Алда — нәтижеге бағытталған жаңа жобалар, білім алмасу және бірлескен бастамалар