Қолданбалы бакалавриат түлектерінің кәсіптік даярлығын бағалау бітірушінің біліктілігінің Денсаулық сақтау саласындағы кәсіптік стандарт талаптарына сәйкестігін айқындау мақсатында оқытудың түпкілікті нәтижелеріне сәйкес жүргізіледі және қорытынды аттестаттау құрылымына кіреді.

«Денсаулық сақтау» даярлау бағыты бойынша білім беру бағдарламаларының түлектері оқуды аяқтағаннан кейін бағалауға жатады.

Білім беру бағдарламаларының түлектерін бағалау екі кезеңнен тұрады:

1. білімді бағалау;
2. дағдыларды бағалау.

Қолданбалы бакалавриаттың білім беру бағдарламасы бойынша оқуды аяқтаған және қорытынды аттестаттаудан сәтті өткен түлектерге білім туралы диплом беріледі және денсаулық сақтау саласындағы маман сертификатын алуға мүмкіндік береді.

Бағалау ҰТЕО филиалдары мен өңірлік өкілдіктерінің немесе денсаулық сақтау саласындағы білім беру ұйымдарының базасында түлектің таңдауы бойынша тілде (қазақ, орыс немесе ағылшын) жүргізіледі.

1 кезең «Білімді бағалау» – бір дұрыс жауабы бар бірнеше таңдаулы тест сұрақтары арқылы компьютерлік тестілеу.

Тест сұрақтарының жалпы саны  – 100.

Білімді бағалау ұзақтығы 150 минут (2 сағат 30 минут) үзіліссіз.

Нәтижелерді есептеу: тест сұрағына әрбір дұрыс жауап үшін 1 балл, қате жауап 0 балл беріледі.

Білімді бағалау нәтижесі барлық дұрыс жауаптар үшін ұпайларды қосу арқылы автоматты түрде қалыптасады және компьютерлік тестілеу аяқталғаннан кейін бірден көрсетіледі.

Білімді бағалаудың шекті деңгейі – тест сұрақтарының жалпы санынан 50 балл және одан жоғары дұрыс жауаптар.

Тест сұрақтарына апелляция бағалау (тестілеу) кезінде беріледі.

Ескерту:

Білімді бағалаудың шекті деңгейін еңсермеген түлек дағдыларды бағалаудан өтуге жіберілмейді.

2 кезең «Дағдыларды бағалау» модельдеу технологияларын қолдана отырып, объективті құрылымдық клиникалық/практикалық емтихан.

Клиникалық/практикалық станциялардың жалпы саны – 5.

Дағдыларды бағалау ұзақтығы – 50 минут үзіліссіз.

Нәтижелерді есептеу: әр станцияда әр дағдының орындалғаны үшін ұпайлар көрсетілген бағалау парағы бекітіледі. Әрбір дұрыс орындалған дағды үшін белгіленген ұпай саны есептеледі. Дұрыс орындалмаған дағды-0 ұпай. Бір станциядағы ұпайлардың нәтижесі барлық есептелген ұпайларды қосу арқылы автоматты түрде қалыптасады.

Дағдыларды бағалаудың жалпы нәтижесі барлық клиникалық/практикалық станциялар үшін дағдыларды бағалау нәтижелерінің орташа арифметикалық мәнін шығару арқылы қалыптасады.

Дағдыларды бағалаудың шекті деңгейі –қорытынды аттестаттау шеңберінде барлық станцияларда дұрыс орындалған дағдылардың 50% және одан жоғары деңгейін құрайды. Маман сертификатын алу үшін дағдыларды бағалаудың шекті деңгейі әр станцияда дұрыс орындалған дағдылардың 70% және одан жоғары.

Бағалаудың екінші кезеңінің нәтижелерімен келіспеген жағдайда апелляцияны түлек ҰТЕО-ға жазбаша түрде береді. Түлектің жазбаша өтінішіне белгілі бір станциядан өту процесінің бейне -, аудиожазбасы міндетті түрде тіркеледі.

Ескерту:

Кәсіптік даярлықты бағалаудың 2 кезеңінің шекті деңгейін еңсермеген түлектің Республикалық апелляциялық комиссияның шешімі негізінде 6 (алты) айдан кейін қайта бағалаудан (қорытынды аттестаттаудан) өтуге құқығы бар.

Кәсіптік даярлықты қайта бағалау кезінде қанағаттанарлықсыз нәтиже алған түлектерге белгіленген үлгідегі анықтама беріледі.

Кәсіби даярлықты бағалау спецификациясы білім мен дағдыларды бағалау кезеңдерінің құрылысын: мақсаты, емтихан форматы, мамандық бөлімдерінің мазмұны, емтихан материалдарының саны туралы егжей-тегжейлі сипаттамасын көрсетеді. Бағалау спецификациясы емтиханға дайындалып жатқан мамандарға нұсқаулық ретінде қызмет етеді, емтихан материалының мазмұнын анықтайды және маманның күшті және әлсіз жақтарын бағалау үшін өнімділік талдауын ұсынған кезде кері байланыс үшін оларды жіктеуді жеңілдетеді.

Тесттердің техникалық сипаттамасы
Медбике ісі  - медбике ісі мамандығының қолданбалы бакалавры (1,5 жыл)
Медбике ісі - медбике ісі мамандығының қолданбалы бакалавры (3,5 жыл)

Алгоритм
Медбике ісі  - медбике ісі мамандығының қолданбалы бакалавры (1,5 жыл) (Қазақша) (Русский)
Медбике ісі - медбике ісі мамандығының қолданбалы бакалавры (3,5 жыл) (Қазақша) (Русский)

Кәсіби даярлықты бағалау кезінде пайдаланылатын емтихан материалдары (тест сұрақтары мен ситуациялық тапсырмалар (клиникалық кейстер)  «Ұлттық тәуелсіз емтихан орталығы» РҚБ зияткерлік меншігі   және Қазақстан Республикасының Авторлық құқықтарымен қорғалған. 

ҰТЕО жоғары халықаралық стандарттарға сүйене отырып, емтихан материалдары мен емтихандарымыздың қауіпсіздігін қамтамасыз ету үшін бар күшін салады. Осының аясында біз қолданыстағы емтихан материалын жарияламаймыз және авторлық құқықты сақтау саясатын қатаң сақтаймыз. Авторлық құқықты бұзғаны үшін (емтихан материалын кез келген тәсілмен, оның ішінде фото, бейне жазу, сондай-ақ бөгде қосымшаларды пайдалану арқылы көшіру, тарату) Қазақстан Республикасының заңдарына сәйкес жауапкершілік туындайды. 

Мұнда өткен жылғы тест сұрақтарымен және аналогтармен танысуға болады

Өзін-өзі даярлау және емтихан материалының форматымен танысу, сондай-ақ өз білімі мен дағдыларының деңгейін анықтау үшін ерікті негізде өзін-өзі бағалаудан (сынақ емтиханынан) өтуге болады.

Ескерту:

ҰТЕО  жалғыз ресми веб-сайты бар www.qazexam.kz және ҰТЕО-ға қатысы жоқ басқа веб-сайттарда орналастырылған тест сұрақтары үшін жауапты болмайды.

ҰЭО Денсаулық сақтау мамандарының бағалауынан өтуге көмектесуге уәде берген алаяқтардың әрекеттерін еске салады, олар ҰЭО қызметкерлері ретінде тестілеуден немесе дағдыларды бағалаудан өту кезінде көмек көрсетуге уәде бере отырып, бағалауға үміткерлердің ақшалай қаражатын алаяқтық жолмен игереді.

Сізден қырағы болуды және алаяқтардың арандатуына берілмеуіңізді сұраймыз.

Бағалауға тіркелу мына: www.exam.ncie.kz  мекенжайда орналасқан үміткердің Қазақстан Республикасының аумағында кәсіби қызмет еткен барлық уақытта сақталатын жеке кабинетінде ҰТЕО ақпараттық платформасында жүргізіледі.

Мұнда тіркелу және кәсіби дайындықты бағалауға өтініш беру.

Өзін-өзі даярлау және емтихан материалының форматымен танысу, сондай-ақ білім мен дағдылар деңгейін анықтау үшін өзін-өзі бағалауды ерікті негізде аяқтауға болады.

Өзін-өзі бағалау немесе сынақ емтиханы – бұл өз білімін, дағдыларын, құзыреттілік деңгейін немесе тапсырмаларды немесе тестті орындаудағы тиімділігін бағалау үшін алдағы емтиханға өзін-өзі дайындау процесінің соңғы бөлігі. Бұл дегеніміз, сіз өзіңіздің өнімділігіңізді немесе қабілетіңізді сыртқы немесе сараптамалық бағалаусыз бағалайсыз.
Өзін-өзі бағалау мүмкіндік береді:

• алдағы емтиханға түлектің дайындығын бағалауға;
• алдағы емтиханның форматымен және мазмұнымен танысуға;
• мамандықтың немесе маманданудың мазмұндық бөлімдері бойынша күшті және әлсіз жақтары көрсетілген диагностикалық кері байланыс (нәтижелілікті талдау) алуға;
• ҰТЕО ақпараттық жүйесінде сәтті тіркеуден, аутентификациядан автоматты түрде өтуге, бағалаудан өтудің техникалық мүмкіндіктерімен танысуға,
• өзін-өзі бағалау ұпайы бойынша нақты емтиханда шамамен баллды есептеуге;
• қосымша оқытуды немесе тренингті жоспарлауға
• өзін-өзі көрсету және жеке өсуге мүмкіндік береді.

Өзін-өзі бағалаудағы емтихан материалының базасында нақты емтиханның 30-40% емтихан материалы бар.

Өзін-өзі бағалауда шекті өту баллы жоқ.

Өзін-өзі бағалау онлайн-прокторинг жүйесін пайдалана отырып, қашықтан қол жеткізу режимінде, онлайн режимінде жүргізіледі.

Ескерту:

Өзін-өзі бағалау кезінде анықтамаларды және (немесе) әдебиеттерді қолдану, сондай-ақ олардың қабілеттерін асыра бағалауға немесе бағаламауға бейімділікке байланысты өзін-өзі бағалаудың нәтижесі әрдайым дәл және объективті бола бермейтінін есте ұстаған жөн. Сондықтан өзіңіздің біліміңіз бен дағдыларыңызды бағалау кезінде өзін-өзі бағалауды құралдардың бірі ретінде пайдалану маңызды, бірақ жалғыз құрал емес.

Мұнда өзін-өзі бағалауға тіркелу.

Ескерту*

* Қайта тапсырылған және (немесе) дәлелді себептермен келмеген жағдайларда төлем жүргізілмейді.

* Дәлелсіз себептермен келмеген жағдайларда төлем түлектердің жеке қаражаты немесе Қазақстан Республикасының заңнамасында тыйым салынбаған өзге де көздер есебінен жүргізіледі.

*Белгіленген шекті деңгейден төмен бағалау (білім мен дағдыларды бағалау) нәтижесін алған жағдайда, білім мен дағдыларды қайта бағалаудан өту құны түлектердің жеке қаражаты немесе Қазақстан Республикасының заңнамасында тыйым салынбаған өзге де көздер есебінен жүргізіледі.

Кәсіптік даярлықты бағалау қызметтеріне ақы төлеу туралы түбіртек Қазақстан Республикасының аумағында қызметке ақы төленген кезден бастап күнтізбелік бір жыл ішінде жарамды.

Төлеуге арналған деректемелер

«Ұлттық тәуелсіз емтихан орталығы» РҚБ

Нақты мекен-жайы:

Астана қаласы, Қайым Мұхаметжанов көшесі, 5

БСН: 171140004577

ЖСК: KZ27722S000001324085

Банк: «Kaspi Bank» АҚ

БСК: CASPKZKA

Кбе: 18

КНП: 861

«Ұлттық тәуелсіз емтихан орталығы» РҚБ (ҰТЕО)

(Терминал және банк кассасы арқылы төлеу)

Нақты мекен-жайы:

Астана қаласы, Қайым Мұхаметжанов көшесі, 5

БСН: 171140004577

ЖСК KZ656017111000002792

Банк: «Қазақстан Халық Банкі» АҚ

Қазақстан Республикасының 2020 жылғы 7 шiлдедегi № 360-VI ҚРЗ «Халық денсаулығы және денсаулық сақтау жүйесі туралы» Кодексі

«Денсаулық сақтау саласындағы білім беру бағдарламалары білім алушыларының білімі мен дағдыларын бағалау, түлектерінің кәсіптік даярлығын бағалау, денсаулық сақтау саласындағы мамандардың кәсіптік даярлығын бағалау қағидаларын бекіту туралы» Қазақстан Республикасы Денсаулық сақтау министрінің 2020 жылғы 11 желтоқсандағы № ҚР ДСМ-249/2020 бұйрығы

«Денсаулық сақтау саласындағы білім беру деңгейлері бойынша мемлекеттік жалпыға міндетті стандарттарды бекіту туралы» Қазақстан Республикасы Денсаулық сақтау министрінің 2022 жылғы 4 шiлдедегi № ҚР ДСМ-63 бұйрығы